অসম ৰাজ্যিক অভিলেখাগাৰ হৈছে এক বৃহৎ, সজ্জীৱিত আৰু আপুৰুগীয়া পুথিভড়ালৰ গৰাকী। এই পুথিভাড়ালত ২৯,০০০ তকৈ অধিক পুথি, বিৱৰণ আৰু প্ৰকাশন আছে, যাৰ অধিকাংশই বৰ্তমানে দুৰ্লভপ্ৰাপ্ত অৱস্থাত। সমসাময়িক প্ৰকাশিত উপাদানসমূহৰ উপৰিও বিভিন্ন বিষয়ৰ লগতে দুৰ্লভ প্ৰকাশনসমূহো ইয়াত সন্নিৱিষ্ট কৰা হৈছে।
পুথিভড়ালত উপলব্ধ প্ৰকাশনসমূহ উচ্চমানদণ্ড সম্পন্ন আৰু প্ৰত্যেক ক্ষেত্ৰতে অসম চৰকাৰৰ সৈতে জড়িত। অভিলেখাগাৰৰ প্ৰত্যেকখন পুথি গৱেষকসকলৰ বাবে এক উপাদান হিচাপে ব্যৱহৃত হয়। গ্ৰন্থাগাৰৰ পুথি সমূহৰ অধিকাংশই চৰকাৰী প্ৰকাশন, প্ৰতিবেদন, বিশেষ নিৱন্ধ, ৰাজপত্ৰ, জিলা ৰাজপত্ৰ, আইন, মানচিত্ৰ, ঐতিহাসিক পুথি, নাগৰিক সূচী, পৰিসেৱা ইতিহাস, বিধান সভা বাদ-বিবাদ, ভৈগোলিক অভিধান আদিৰে ভৰপূৰ হৈ থকা পৰিলক্ষিত হয়।
সকলো পুথি আৰু বিৱৰণ (প্ৰতিবেদন) সমূহ পুথিভড়ালত বিষয়গত ৰূপত সজোৱাৰ ব্যৱস্থা কৰা হৈছে। ‘কোহা’ নামৰ এক চফটৱেৰৰ সহায়ত গ্ৰন্থাগাৰৰ সকলো পুথিক ‘বাৰ-ক’ড’ আৰু ‘কম্পিউটাৰাইজড’ ৰূপ দিয়াৰ ব্যৱস্থা কৰা হৈছে। 'কোহা' ৰ সহায়ত অভিলেখীয় গ্ৰন্থাগাৰে গৱেষকসকলক এক কম্পিউটাৰাইজড সূচীৰ যোগান ধৰিবলৈ সক্ষম হয়।
পুৰণি আৰু দুৰ্লভ গ্ৰন্থ: